actual
Survetschs divins
Tgei far sche?
‘… battegei els enten num dil Bab e dil Fegl e dil Spért sogn, e mussei ad els d’observar tut quei che jeu hai cumandau a vus. Ed uarda, jeu sun cun vus tut ils dis, tochen alla fin dil mund.‘ (Mt 28, 19 e 20)
Tier nus eis ei usitau da battegiar ils affons, per regla sco affon pign. Nus selegrein fetg sche vus purteis vossa feglia, vies fegl al batten.
Pil solit ha il batten liug duront il survetsch divin la dumengia, ensemen culla raspada.
Cul batten mettein nus gl’affon sut la benedicziun dil Segner. Quell’enzenna muossa a nus il consentiment da Deus. Geniturs, padrin e madretscha empermettan d’accumpignar igl affon. La pleiv ura per els.
Nus battegein cun aua. Ella ei il simbol dalla fontauna dalla veta da Deus. Ella dosta la seit, ella dat veta e purifichescha.
Vus astgeis telefonar ni scriver in e-mail per fixar in termin per preparar il batten.
‘Recumondei vossa via al Segner e sefidei dad el, el vegn a dar reussida!’ (tenor Psalm 37,5)
Vus veis anflau il partenari per vossa veta e vuleis maridar en baselgia. Cullas nozzas s'empermetteis vus ‘en buns e schliats temps’. Vus metteis voss’amur sut la benedicziun dil Segner. Nus segidein bugen cun embellir il survetsch divin da nozzas!
Quei survetsch divin preparein nus ensemen, contactei gl’uffeci parochial ad uras per fixar ils termins per la preparaziun e pil survetsch divin.
‘Pilver, en Diu ruaussa mi’olma, dad el vegn miu agid.’ (Ps 62,2)
La mort d'in concarstgaun carezau ei ina cesura ella veta dalla cuminonza. En quella situaziun porsch'igl uffeci parochial sustegn per:
- pastoraziun ella situaziun actuala
- preparaziun dil cumiau (sin santeri/en baselgia)
- organisaziun da baselgia e musica (contact cun calustras/organistas)
- coordinaziun culs uffecis locals
- agid per l’annunzia da mort
- visetas da pastoraziun suenter il mortori
Fagei aschi bien e telefonei per fixar in termin da preparaziun.
Suprastonza ed uffeci parochial
datas da contact
cassiera dalla curatella
Via Scuein Sura 9
7158 Vuorz
plevon
Kirchweg 17, 7104 Versomi
Telefon 076 594 08 84
Email
da nossa pleiv
Activitats e tradiziuns da nossa pleiv
Gentar da seniors
- survetsch divin ecumen allas 11.00 a Castrisch
- gentar communabel (luvratori)
- cullas Fontanivas da Castrisch e collaboraziun dil chor mischedau e dils scolars
Gi da suppa ecumenic
- survetsch divin ecumen allas 11.00 a Castrisch
- gi da suppa (luvratori)
- da principi il mars
Survetsch divin da pesca
- secunda dumengia da fenadur, alla riva dil Rein
- survetsch divin e fiasta cull’Uniun dils pescadurs Castrisch
Survetsch divin si d'alp
- ecumenic, igl uost
- el liber, sill'alp Pitieri sur Riein
Gi d'uraziun mundial
- Entschatta mars, vendergis sera
- Cul team ecumen da dunnas
- liturgia concerna mintg’onn ina naziun specifica
da nossa pleiv
Cuminonza pastorala Castrisch/Sevgein/Riein e Vuorz
Ils 26 dad uost 2022 han las pleivs reformadas da Castrisch, Sevgein, Riein e Vuorz formau ina cuminonza pastorala.