Survetschs divins

11.01.2026- 10:00
survetsch divin, tudestg, Karola Wildenauer

25.01.2026- 10:00
survetsch divin, tudestg, Elisabeth Anderfuhren, cun caffè-baselgia e historia per affons

08.02.2026 - 10:00
survetsch divin, tudestg, Andreas Anderfuhren

22.02.2026 - 10:00
survetsch divin, tudestg, Elisabeth Anderfuhren, cun caffè-baselgia e historia per affons

08.03.2026 - 10:00
survetsch divin, tudestg, Elisabeth Anderfuhren, cun caffè-baselgia e historia per affons

08.03.2026 - 17:00
survetsch divin, da giuventetgna a Glion culs preparands e confirmands

22.03.2026 - 10:00
survetsch divin, romontsch, Luzi Battaglia

03.04.2026 - 10:00
survetsch divin da Vendergis sogn, tudestg, Elisabeth Anderfuhren

05.04.2026 - 10:00
survetsch divin da Pastgas, romontsch, Luzi Battaglia

19.04.2026 - 10:00
survetsch divin, tudestg, Elisabeth Anderfuhren, Chor Prättigau e caffè-baselgia

10.05.2026 - 10:00
survetsch divin, tudestg, Hanspeter Joos

24.05.2026 - 10:00
survetsch divin da Tschuncheismas ensemen cun Castrisch/Sevgein/Riein, Alistair Murray

07.06.2026 - 10:00
survetsch divin, tudestg, Elisabeth Anderfuhren, cun caffè-baselgia

21.06.2026 - 10:00
survetsch divin, tudestg, Fabian Wildenauer

05.07.2026 - 11:00
survetsch divin dad alp, tudestg, Elisabeth Anderfuhren
da malaura allas 10:00 en baselgia, tudestg, Elisabeth Anderfuhren

12.07.2026 - 11:00
datum da stuschada dil survetsch divin dad alp, tudestg, Elisabeth Anderfuhren

26.07.2026 - 10:00
survetsch divin , romontsch, Luzi Battaglia

09.08.2026 - 10:00
survetsch divin, tudestg, Elisabeth Anderfuhren, cun caffè-baselgia

23.08.2026 - 10:00
survetsch divin, tudestg, cun Maria Wüthrich

06.09.2026 - 10:00
survetsch divin, tudestg, Elisabeth Anderfuhren, cun caffè-baselgia

20.09.2026 - 10:00
gi da rogaziun, survetsch divin, tudestg, Florian Sonderegger

04.10.2026 - 10:00
survetsch divin, tudestg, Elisabeth Anderfuhren, cun caffè-baselgia

18.10.2026 - 10:00
Fiasta d'atun, survetsch divin, romontsch, Luzi Battaglia

01.11.2026 - 10:00
dumengia da reformaziun, survetsch divin regiunal a Glion, Hans Jakob Riedi

08.11.2026 - 10:00
survetsch divin, tudestg, Elisabeth Anderfuhren, cun caffè-baselgia

22.11.2026 - 10:00
dumengia dils morts, survetsch divin

06.12.2026 - 10:00
survetsch divin, tudestg, Andreas Anderfuhren

24.12.2026 - 20:00
Pigniel cun Elisabeth Anderfuhren ed ils scolars da Vuorz

25.12.2026 - 10:00
survetsch divin da Nadal

25.12.2026 - 10:00
survetsch divin da Silvester, Karola Wildenauer

Actual

Sentupada da seniors

Bugen sesin nus circa inagada per meins ensemen da cumpignia per in raschieni, in caffè ed in toc petta. Las sentupadas han liug dallas 14.00-16.00 en scoletta ed in e scadin ei envidaus.
gievgia, ils 08-01-26
gievgia, ils 12-02-26
gievgia, ils 12-03-26
gievgia, ils 09-04-26
gievgia, ils 14-05-26
gievgia, ils 11-06-26
gievgia, ils 10-09-26
gievgia, ils 08-10-26
gievgia, ils 12-11-26
sentupada da seniors el december: datum ei aunc aviarts

Abdicaziun dalla plevonessa

Deplorablamein ha nossa plevonessa demissiunau silla fin mars.
Ella vegn denton a restar per singuls survetschs divins e las sentupada da seniors.

Tgei fetsch en cass da ...?

Nus battegein el num dil Bab, dil fegl e dil Spért sogn.

La persuna battegiada survegn la benedicziun dil Segner. Geniturs e perdetgas empermettan dad accumpignar il battegiau e la raspada ura per els duront il survetsch divin.

Tier nus eis ei usit da battegiar nos affons, ils biars els emprems meins da lur veta. Nus battegein cun aua, che pren la seit, dat veta e schubregia.

Pilpli han ils battens liug duront in survetsch divin ordianari, en preschientscha dalla raspada.

Tier il batten s'auda in discuors da preparaziun.
Persuenter san ins prender si contact cun nus.

contact

Nus havein grond plascher sche Vus vuleis s'empermetter tier nus ella baselgia. Bugen gidein d'organisar ed embellir quella biala fiasta cun Vus.

Fagei schi bien e contactei ad uras cun nus en caussa!

contact

In mortori el ravugl dalla famiglia ei in eveniment fetg marcant ella veta dils cuntristai.

Er'en quels cass essan nus cheu per Vus.

- discuors pastorals

- preparaziun (discuors) pertuccond la seplultura (santeri e baselgia)

- organisaziun dalla baselgia e dalla musica (calustra ed organists)

- agid tier l'annunzia da mort

- discuors pastorals suenter la sepultura.

Prendei si contact cun nus per far giu in termin per in discuors da malencurada.

contact

Co-presidi

Lidia Gabriel Seeli
Via Priel 3
7158 Vuorz

Telefon: 081 941 18 69

E-Mail

Andrea Veraguth de Groot
Via Chigiosch 8
7158 Waltensburg/Vuorz

Telefon: 076 442 45 38

E-Mail

Plevonessa

Elisabeth Anderfuhren
Under Dutjen 3
7122 Valendas

Telefon: 081 921 77 25

Telefon: 077 417 62 28

E-Mail

contact

uffeci parochial e suprastonza

cassier, reservaziuns scoletta

Erich Cadonau

Telefon: 079 539 67 60

e-mail

Calustra

Agatha Gabriel

contact

da nossa pleiv

Caffè-baselgia

Cuminonza pastorala

Cuminonza pastorala Castrisch/Sevgein/Riein e Vuorz

Ils 26 dad uost 2022 han las pleivs reformadas da Castrisch, Sevgein, Riein e Vuorz formau ina cuminonza pastorala.

Il Meister da Vuorz

Ils maletgs dad in artist nunenconuchent ord il 14.avel tschentaner fan enconuschenta la baselgia da Vuorz da s.Desiderius e s.Leodegar lunsch sur ils cunfins svizzers.

Cunquei che si'ovra principala, la passiun da Cristus, sesanfla ella baselgia da Vuorz vegn igl artist numnaus dapi lur scoperta 1937 „il meister da Vuorz“. El dumignava la tecnica da fresco da taluisa che sias colurs tarlischan intensivamein entochen il gi dad oz. Siu talent da cumbinar, siu lungatg simbolic plein mistica e poesia ein fascinonts.

Sper la passiun, ch'empleina quasti l'entira fatschada dil nord ein er'aunc autras da sias frescas mantnidas, aschibein endadens sco era vid las fatschadas dado. Las ovras dil meister da Vuorz ein ils pli vegls maletgs da nossa baselgia (dataziun: 1330/40), denton buc las sulettas.

Ei dat aunc autras ord il temps entuorn 1380, numnadamein il circul da Margreta e maletgs digl eremit Antonius. Ord il temps da 1450/51 dateschan ils maletgs digl entir chor, denter auters ina dallas empremas encorunaziuns da Maria entras il Bab ed il fegl digl entir mund. Els derivan digl aschinumnau meiser da 1451, digl artist che ha era malegiau ella caplutta da Sogn Sievi (St. Eusebius) a Breil. Medemamein ord il 15avel tschentaner derivan ils maletgs silla fatschada occidentala dils evangelists, l'aschinumnada sutga da grazia, pia la presentaziun dalla triunitad divina.

Ulteriuras indicaziuns tier la baselgia san ins eruir ord il guid suandont:
Marc Antony Nay und Daniel Bolliger (Hg.), Die Kirche von Waltensburg/Vuorz und ihre Wandmalereien, Berna 2017

Museum Waltensburger Meister

Werkstatt Waltensburger Meister

historia

Il vitg ei menziunaus per l’emprema ga el Testament da Tello (765), sco «Vorce». La baselgia principala era lu denton buc el vitg, mobein a Munt s. Gieri. Dapi 1209 senumna il vitg era “Waltensburg”, cuort suenter sto la caplutta dil vitg (dedicada a s.Desiderius e s.Leodegar) ch’era vegnida baghegiada egl 11avel tschentaner esser daventada la baselgia parochiala. Viers 1350 ei il Meister da Vuorz staus activs leu, pli tard lu aunc auters picturs. Viers 1450/51 ei la baselgia vegnida engrondida e la baselgia da s.Gieri a Munt s.Gieri ei vegnida bandunada.

Vuorz s’auda tier ils vischinadis ch’ein vegni confruntai cull’emprema unda da separaziuns da pleivs suenter la resoluziun dils artechels da Glion da 1524 e 1526. Igl onn 1526 ha la Dertgira d’appellaziun dalla Ligia Grischa separau en tut tschun pleivs, denter quellas era Andiast che s'udeva tochen lu tier la pleiv da Vuorz. Dils documents da separaziun resorta buc che Vuorz eri gia da quei temps sedecidius per la «cardientscha nova». Tenor la tradiziun orala hagi il reformatur Jakob Cunzin getg 1527 suenter in survetsch divin: «Oz messa e mai pli!» Segir ei ch’il vistg era reformaus igl onn 1538, lu ha in um d’Andiast numnadamein pretendiu anavos la donaziun che siu bab veva fatg per la messa tumpriva, perquei ch’ei detti buc pli messa a Vuorz. Vuorz ha dapi lu formau in'enclava amiez vitgs catolics ed ha giu ina posiziun particulara ella regiun. Quei ha engreviau la convivenza denter ils vischinadis dalla vischnaunca giudiciala da Vuorz (Vuorz, Andiast, Pigniu, Rueun, Siat, Schlans).

Il potenzial da cunflict muossa ina confruntaziun digl onn 1682 a moda fetg impressiunonta cu ils d’Andiast e quels da Pigniu ein i en processiun atras il vitg da Vuorz. Ils da Vuorz han reagiu cun pugns e pals: els han rut la crusch da processiun ed han insultau e blessau participonts dil til. Il conflict ei ius aschi lunsch che omisduas varts confessiunalas han ponderau da rudien da tschaffar las armas. L’entira affera ha fiers grondas undas ellas Treis Ligias e sur ses cunfins. Ina dertgira independenta ha la finala condemnau ils da Vuorz ad in castitg solemn.

Era las controversas ensaladas culla claustra da Mustér ch’era dapi 1472 en possess dil signeradi da Munt s. Gieri ha dau tempra alla vischnaunca da Vuorz. Al sulet vischinadi reformau el territori feudal dalla claustra eis ei gartegiau pér igl onn 1734 da secumprar liber diltuttafatg. Dapi lu ha ei dau ina vischnaunca giudicala protestanta a Vuorz ed ina vischnaunca giudiciala a Rueun la quala ei restada vinavon dependenta digl avat da Mustér.

Survetschs divins

Survetschs divins

Actual

Sentupada da seniors

Abdicaziun dalla plevonessa

Tgei fetsch en cass da ...?